Questo sito si avvale di cookies, anche di terze parti, per migliorare la tua esperienza di navigazione. 
Continuando a visualizzare il sito o premendo ok acconsenti all'uso dei cookie.

Io so' Marzo e so' pazzo
e tutt''e figliole belle
m'hann''a dà' 'o ramaglietto
io ll''o metto dint''o lietto
a freschià'...

Io lle faccio 'sta cuccàta
pe' cient'anne struppiàta...
Io n''e faccio ascì' d''a casa
'nchiuse sott''o fuculare
nun le faccio j' a cacare
...e manco a pisciare!

?mpilo ''mpilo si me 'ncazzo
io nun faccio sta' cuiete
nì 'o marito e nì a mugliera!
Nun chiagnite!Io pazzéo...
Vuje sapite ca io so' pazzo
e mme piace 'e pazzià'!

Ma cu mmico nun se pazzéa
se pazzéa c''o mese Abbrile,
ca è nu mese cchiù gentile:
'o vedite appriesso sta!

So' frevaro e songo curto
se la pigliano cu mme:
vuje dicite ca jo so' curto
e jo ve 'mparo de parlà'...

Jo ve faccio murì' 'e famma,
accussì vacanta 'a panza,
ve 'mparate la crianza
e nun parlate contr''e me!

Vuje sapite ca nun surrèjo
e dicite :faccio pena!
E si nun ve voglio bene
nun avite che mme fa'!

Vuje sapite che ve faccio?
Jo ve dongo 'sti turmiente:
acqua,neve,friddo e viento
e gghialàte 'nquantità...

E si chesto nun v'abbasta
jo ve scarreco 'e mascune
fino a dinto a li fucune:
chesto 'o curto ve farrà...

Vuje dicite:"è scarzo,è scarzo",
ma nun aggio corpa jo
chell'è corpa è mamma mia
ca penzaje 'e s'addurmì;

nun guardate a Sant'Aniello!
E po' chillu fesso 'e tata
s'abbuffaje 'e paglia 'e prato
chella sera e niente cchiù.

Ecco dunque la raggiona
della mia lunghezza scarza;
ma mo' vène 'o mese 'e marzo
ch' ha tre gghiuorne cchiù de me...

Songo abbrile:è primmavvera!
Chella 'a 'nnamurata mia
me dà tanta simpatia
e me fa vertecella'!

 

Chist'è 'o mese d''e ffigliole
c'hann''a fa le 'nnammurate;
ogge 'e veco cchiù allisciate
cu nu sciore justo ccà.

 

Songo 'o mese d''e vviole,
d''e garuofene e papagne
e pe' tutte ste campagne
faccio ll'evera addura'.

 

So' fiorista e vendo i fiori
vendo i fiori e so' fiorista;
veco maggio 'e fa' 'a pruvista
ca pur'isso apprieso sta!

So' Jennàro,'o primmo mese,
sempe a me accumencia l'anno
mo' ca in ordine ce stanno
l'auti mise apprieso a me.

 

Perciò merito rispetto
e di me non dite male
ca si no stu Carnuàle
nun v''o faccio festeggià'...

 

Cu festine cante e suone
nnòglie fresche e suppressate
e 'o sausiccio ammaretàto
'nganno ve faccio 'nturzà'!

 

E pe' seculi li friddi
fin' a sotto 'o fucularo
ca stu stuorto de frevàro
mo' ca vene fa tremmà'!

Songo Uttòmbre e vuje figliòle
priparateve 'e cupèlle
accurciateve 'e vunnèlle
e currite a vennegnà'...

 

'A vecchia aùna ll'acene,
'a cchiù ggiovane va e vene
cu 'o teniéllo 'ncapo tene
l'uva porta a da' pesà'...

 

Tu n''a siente 'sta chiammata
e chi chiamma è lu patròne,
ca va 'ncerca d''a guagliona
pe' 'na fescena a pusà'...

 

Siente 'o suono d''a maruzza
'nc'è chi canta e nc'è chi allucca....
Mo' se fanno tutte a cucca
pure 'o prevete e amen!

 

Mo' ca stanno tutte allère
pecch'è 'o tiempo d''a vennegna
sa' che faccio,do 'a cunzegna
e Nuvembre partirà'...

Offrici un Caffe


 

servizioWhatsApp

animazione accademia

bannerq

News più lette